Државната делегација за преговори за пристапување на Република Северна Македонија во Европската Унија (Државната делегација) ги презентира официјалните преговарачки позиции и во тие рамки ги води преговорите за пристапување на Република Северна Македонија во Европската Унија со институциите на Европската Унија и државите-членки и обезбедува нивен непречен тек во сите области кои се предмет на преговорите.
Државната делегација ги води преговорите во согласност со ставовите и преговарачките позиции донесени од страна на Владата, а за секоја одржана Меѓувладина конференција со Европската Унија поднесува детален извештај до Владата најдоцна 15 дена по завршувањето на конференцијата.
Шеф на Државната делегација, е ЗПВРСМ задолжен за европски прашања и воедно главен политички преговарач – кој ја предводи делегацијата, ги следи и насочува пристапните преговори во сите области кои се предмет на преговорите и ја претставува Република Северна Македонија на Меѓу- владината конференција со Европската Унија.
Заменик шеф на Државната делегација – е Министерот за надворешни работи, во однос на оваа функција како и во однос на должностите на главен политички преговарач.;
Главниот технички преговарач; Шефот на Мисијата на Република Северна Македонија при Европската Унија во Брисел и Секретарот за преговори.
Државната делегација во потесен состав ги има овие пет учесници, а постои можност, во нејзината работата, по потреба да учествуваат и други членови на Владата кои координираат одредено поглавје, раководителите на работните групи за подготовка на НПАА, преговарачките позиции, како и други релевантни чинители.
Државната делегација за својата работа одговара пред Комитетот и пред Владата.
Административно – стручна и оперативно-техничка поддршка на Државната делегација обезбедува Секретаријатот за европски прашања во соработка со Канцеларијата на главниот технички преговарач и Министерството за надворешни работи.
Материјалите за Меѓувладината конференција со Европската Унија ги подготвува Секретаријатот за европски прашања во соработка со Канцеларијата на главниот технички преговарач и Министерството за надворешни работи.
Државната делегација | |
Целосно име: | Работен комитет за европска интеграција |
Шеф на Државната делегација: | 1. Главен политички преговарач; |
Заменик : | 2. Министерот за надворешни работи; |
Членови: | 3. Главниот технички преговарач;
4. Шефот на Мисијата на Република Северна Македонија при Европската Унија во Брисел; 5. Секретарот за преговори; |
Останати членови: | По потреба, во работата на Државната делегација учествуваат и други членови на Владата, членови на Групата за преговори кои го координираат даденото поглавје, раководителите на работните групи за подготовка на НПАА и подготовка на преговарачките позиции за преговори за членство во Европската Унија како и други релевантни чинители, за што одлучува шефот на Државната делегација и главен политички преговарач, во консултација со главниот технички преговарач. |
Табела бр. 3: Состав на Државната делегација